【Viu】Alton王智德、Chris梁彥宗今晚由巴布亞新畿內亞拍旅遊節目返港，二人聽日中午將再啟程去馬來西亞沙巴拍埋行程尾站。Alton透露為咗今個節目Total去30日，每站Stay 10日，喺首站印尼時不慎水土不服，有一晚喺當地家庭食食吓飯極肚痛，竟然做起瑜伽動作，驚唔驚「咇」出嚟㗎！
負責監製嘅Chris就話最辛苦係拍巴布亞新畿內亞站，當地點對點交通只得飛機，試過有程機Delay咗至少7個鐘。佢又爆Alton獲印尼少女如見韓星咁失禁式尖叫，苦中一點甜啵！
而日前21號正值係Alton生日，Chris表示蛋白粉好Sweet咁主動dm告知，佢亦超前部署安排咗另類生日歌同Alton慶生，係愛呀！想睇佢哋初相識就秒速培養咗嘅兄弟情，入嚟睇訪問片啦！
