【Viu】ViuTV新劇《社畜再培訓先導計劃》將於28號啟播，劇中嘅勤識小學今日舉行開學禮，8位「4S班」嘅超齡小學雞Alton王智德@MIRROR、陳子豐、麥沛東、唐浩然、THAIMAY楊雅文、Giann羅允芝、周祉君、姜文杰，聯同「Miss伊」Serene林宣妤、「校長」艾威、「集團老闆」高翰文、「家長」栢天男兼6位小演員一同現身，場面勁墟冚！
Alton、麥東笑言對住班「電兔」小演員舉晒白旗，自認體力唔夠佢哋嚟！同時大讚班小演員既專業又聽話，好surprise佢哋會主動話要研究劇本！Alton又笑言同班小演員雖然有代溝，但玩起上嚟超fun，又爆被問愛情問題，唔知Alton點解答？
經過今次同小朋友合作，會唔會令佢哋更加想生B？Serene話自己「班主任」味濃、有威嚴，所以啲小演員冇乜向佢發問！唔知佢同Alton之間有冇感情線？
Alton透露「夜粥小組」團綜已拍完，係咪堅係好似AK所講晚晚開通頂？講到四子日前喺葵廣被野生捕獲，Alton話可以一齊去掃街真心機會難得，另去夜場拍攝又有咩難忘事？最新宣布咗Alton、Lokman、Tiger、Frankie嘅見面祭日子，佢又會準備啲咩嚟回饋鏡粉？
高票當選最似小學雞嘅THAIMAY最深得小演員歡心，事隔一年再見返小演員s，身高追上THAIMAY、Giann，難怪二人不禁高呼想再度發育！
釗峰近日被爆出軌，「口罩小姐」李文意疑係第三者，同為口罩小姐兼同李文意同組比賽嘅Giann，指有問候好友，畀啲空間對方，又謂李文意係工作狂，之間較少傾少女心事！想知更多就即刻睇足本訪問！
