【Viu】樂隊Nowhere Boys成軍十周年，早前喺尖沙咀一商場開設「給十周年的概念店」，前晚11號係概念店最後一夜，佢哋請咗老Best AK@MIRROR任mini live壓軸嘉賓，組期間限定樂隊「AK Boys囉」！
AK出場演唱Hit爆solo歌《心死了幾百次》，又合唱由Nowhere Boys 3年前編曲嘅《信之卷》，不過就從未正式公開演出完整版，今次終於圓夢。AK仲爆料笑指結他手Ken因遺失原裝琴譜，過往演出都係亂彈前奏，直至今次表演前先搵返。
期間AK晒私伙結他，佢表示：「我同Van（Nowhere Boys主音）由幾年前相識就話點都要夾一次『BECK』（動畫「搖滾新樂團」）嘅歌《Moon on the Water》，所以今次我帶咗呢支主角同款結他一齊玩。」AK坦言當年受呢部動畫激發夾Band念頭，而Van亦因為動畫去學結他。想睇佢哋嘅真摯兄弟情，嗱嗱聲入嚟睇現場實況片啦！
