【Viu】由Ivana王菀之、AK、Rosa韋羅莎、白只、「阿卵」楊偉倫同童童蔡曉童主演嘅舞台劇《SUCK樂園》今晚開鑼，一眾演員中午進行拜神儀式。首次演舞台劇嘅AK坦言心情緊張，最驚忍唔到笑！見佢對住阿卵呢啲搞笑高手，AK明顯都玩得好放，仲扮錫錫阿卵添，笑C！AK又透露上星期因為腸胃炎而瘦咗，陰功豬咯！而前輩阿卵同白只都激讚AK，仲封佢為「天之驕子」添，又笑言同MIRROR成員合作後，有意畀「朱凌凌」再出山，嘩，不如Crossover埋「夜粥小組」啦！
講到193有意成立「三天下」簽晒MIRROR同ERROR拍《16怪盜》，AK就爆笑回應喇！
至於Ivana、Rosa同童童都話對住白只、阿卵好難忍笑，Rosa仲話要唔好take嘢，想知點解就睇足本訪問啦！
