【Viu】Sherman鍾舒漫與林家棟今日出席精品快閃店活動，原來Sherman自幼興趣係畫畫，上堂更試過畫裸體長者Model，但以前拍拖時就冇試過要求男友做Model。
講到聲帶肌肉不受控，以致早前舉行巡迴音樂會廣州站時演出「炒車」，被網民指責明知自己狀況不好就唔應該接演。Sherman表示病患困擾多年，心智上的確折磨，唔通死咗佢算？好彩心境樂觀，亦逐漸康復，而開騷前綵排明明冇事，可惜聲帶不似預期。Sherman理解消費者質疑，又透露有跟咗佢多年嘅歌迷為佢心痛。
而大男人林家棟就自揭童年係小甜甜卡通迷，當年仲買埋主題曲添！家棟講到電影市道，透露已有投資者約見傾劇本。佢又話屋企櫃桶收埋幾個劇本，隨時要拍就有得拍，但承認全行資金都縮水。家棟又大讚Lokman演技純熟，希望再同佢拍戲，又爆對方未簽MIRROR時兩人已認識。想知就記得睇片啦！
