【Viu】Michelle衛詩雅今日為《全港戲院日2025》擔任活動大使，熱愛爆谷嘅佢，除咗喺現場食唔停口外，仲自爆讀書時期因為熱愛炒爆谷而去戲院見工，點知唔請，失落咗好幾日呀！鍾意一個人睇恐怖片嘅Michelle，又開心Share「全院滿座」嚇到走人嘅經歷，仲試過因為睇《Silent Hill》驚嘈親人而「含」爆谷，會唔會太Funny呀！
對於星期日舉行嘅金像獎，Michelle就話已經揀好戰衣，其中一款仲Deep到落肚臍，但笑言孖住行紅地氈嘅老公就唔使「跟Deep」喇！「文玥」仲預告「Hello文」許冠文會同《破．地獄》團隊現身紅地氈，相信都係好多觀眾最期待嘅畫面喇！
雖然忙住準備戰衣同感言，Michelle今晚都會去撐「師傅」霆鋒嘅啟德騷場，仲係第一次睇霆鋒唱Live添，又搞笑話要推舉曾經喺自己婚禮夾Band嘅「老Best」陳家樂，同霆鋒Battle《活著VIVA》，咦，呢啲Line Up又唔錯喎！
