【Viu】Stephy鄧麗欣首場紅館騷進行到中段，換上大露背裝嘅Stephy話有份禮物要送畀大家，隨即歡迎是晚嘉賓林峯出場！二人合唱經典歌《好心好報》，令全場聽出耳油！Stephy笑話騷前被問得最多嘅問題就係請邊個做嘉賓，頭場嘉賓揭曉啦！
Stephy感謝林峯一口應承做嘉賓，林峯搞笑反問點解會搵佢？事緣二人無論喺電影、戲劇、音樂上都冇合作過，Stephy點答？嚟緊5月就到林峯喺紅館開騷，佢亦把握機會「騎劫」宣傳，笑言今次做嘉賓當係warm up！喺送走Stephy去換衫嗰陣，林峯帶嚟快歌《Chok》辣㷫全場，hot到爆呀！
