【Viu】MIRROR六子今日出席《CHILL CLUB Thai Pop Festival》記者會，預告12月20日會同泰星一齊開騷，早排揚威韓國嘅AK Oppa仲大晒泰文，又話聽日正日生日係同家人食飯，笑認年紀大唔想記得自己幾多歲，明㗎，真係明！講到日前同「生粉」慶生，AK笑言似足婚宴，最意想不到係有男生粉以拿督造型現身，有料呀！
講到Stanley今朝爆團綜有「天堂級美食」，Lokman同AK就妙論「天堂與地獄」，「頭號嫌疑人」AL就笑認自己只係「保持初心」，太Funny喇！至於新一波黑圖大戰，Edan揚言有大把貨喺手，仲自爆揭開咗大表哥塊紙巾嚟偷影還擊，躺著也中槍嘅Jeremy就最慘慘豬喇！而姜濤就習慣自己黑圖自己Po；撈撈亦有「核彈級黑圖」揸手，唔擔心隊友出大絕！
此外，講到有網友讚Edan撞樣韓國男神南柱赫，爵安就Humble回應喇！想知就睇足本訪問片啦！
