【Viu】由彭秀慧導演主持嘅ViuTV新節目《晚吹--Chat KP》，今日進行錄影，彭導劇透巧多屎屎尿尿奇人奇事會講，仲話早排喺IG徵「洗手間」嘅料，咁咪即係「屎坑料」？點知俾網民、朋友洗版，答案鉅細無遺，隔住個芒都聞到臭呀！
節目中亦會些牙自己烏龍嘢，包括上機先發現護照過期，彭導又記得中學畢業同閨密第一次歐遊，牙刷跌落馬桶，手洗完嘅底底掛床邊滴濕朋友個頭，甚至連甩卡火車都坐埋，真係巧有畫面！彭導話奇在冇被割蓆。佢又透露節目會先拍幾集，就專心綵排11月嘅舞台獨腳戲《失憶諒解備忘鹿》，然後再開新戲。想知彭導睇中咩新星？國際慣例，睇足本訪問片啦！
