【Viu】已故樂壇巨星梅艷芳今日61歲生忌，其胞兄梅啟明偕泰籍未婚妻May May查頌美於中環大會堂側門外舉行記者會，打算借傳媒之力逼已登報同佢斷絕母子關係嘅梅媽覃美金現身，為佢婚禮「拍板」。
梅啟明應傳媒要求親吻未婚妻，但阿美怕醜表示：「未結婚唔可以做呢啲嘢！」而梅啟明第二任老婆Joey早前聲稱二人根本未離婚，男方今日多次迴避回答有冇辦妥離婚手續問題，後來再改口話：「搞緊！」
梅啟明又否認要求梅媽為婚禮埋單，否認多年貪錢指控，又高舉3隻手指發誓冇對唔住梅媽同梅姐，但竟錯擺ok手勢。但轉頭又話自己失業好耐，未婚妻亦證實有用錢照顧男方，兼晒5年前同梅媽跳舞片段，力證友好關係，附上現場情況及足本訪問。
