【viu】「鬼王」潘紹聰又嚟開庫同大家講鬼故，are you ready？喺入戲肉前，先介紹網台「恐怖在線」今年係連續第二年搞舞台劇，劇名《一樓一會》，搵嚟兩位劇場新丁Alton@MIRROR、嘉盈@FH Production加埋麥沛東合演！故事藍本就係源自當年轟動一時嘅模特兒被殺案，繼而改編以「鳳姐」為背景！
講起鳳姐，鬼王即滔滔不絕「交貨」，自爆曾去過被殺案單位，繼而再share咗個鳳姐亡魂接客嘅驚慄故事！雖然農曆七月啱啱過咗，但鬼王都有分享一個農曆七月鬼故，大談「好朋友」守候高速公路搵替死鬼，揸車人士必留意呀！
仲記得鬼王舊年同小編做專訪嗰陣，仲自認係低敏人士嚟，從來都唔會feel到「好朋友」嘅存在！點知！就係對上一次佢帶團去泰國靈探，就嚟料啦！究竟鬼王犯咗啲咩禁忌？電光火石之間發生咗啲咩事？成個過程又點驚險法？最後鬼王又點甩身？鬼門大開，即刻去片！
