【Viu】久未在港公開露面嘅Rain李彩華,今日出席商場活動,長腿依舊殺食,難怪身為「40路美魔女」嘅佢,俘虜無數小鮮肉,追求者由98年至03年出世嘅都有,Rain坦言年紀最細嘅男朋友係98年出世,相差15年,自己亦唔設年齡下限,幾細個都得,又笑啲Uncle連影張相都踎低起身見頭暈,笑到有腹肌呀!
講到初戀男友林峯憑《九龍城寨之圍城》再度爆紅,Rain就話未睇戲,反而睇中片中另一男神,係咪好想知邊個呢?
此外,Rain大談開騷同出歌計劃,除咗想出《你唔愛我啦2.0》外,仲想同方力申、陳曉東、周勵淇嚟個「百份百感覺演唱會」,想一齊笑返餐就睇足本訪問啦!
足本訪問: 「40路」李彩華嫌中佬體力差 情迷小鮮肉 因《城寨》被劉俊謙圈粉 睇唔到舊愛林峯 想出《你唔愛我啦2.0》 兼進軍紅館