【viu】「談判專家」吳鎮宇、「瘋婦」彭秀慧今晚合體為電影《談判專家》謝票，席間宣布票房突破1600萬！講到上次首映囝囝Feynman激罕現身，鎮宇爆即晚被囝囝詐型，話好叫佢出去同劉青雲合照，搞到個個都知佢係嚟淨撐青雲！鎮宇又笑話唔敢問Feynman comment，因為怕俾佢hurt親，呢兩父子會唔會太搞笑？
自稱帶起謝票風嘅鎮宇，竟話謝票辛苦過拍戲！電影有咁好成績，會唔會叫導演邱禮濤、監製劉德華請食飯先？鎮宇被指戲中一句話劉青雲似南亞裔人係爆肚演出，當事人承認係寸爆好友，仲專登揀一個magic moment先嚟爆，令青雲冇力還口，真高招！
彭秀慧指收到電話邀演嗰刻，一聽到做劉華老婆就即刻應承，原因係無論角色大定細，黐住劉華嘅都唔會被剪走，識咁諗好醒呀！佢又笑話都係去到試造型先知係個瘋婦角色，自爆某方面係好似私下嘅自己添！互動期間佢哋仲愈爆愈多，原來彭秀慧挾持人質嗰把刀係真刀，唔怪之得班人質個樣驚得嚟咁逼真，想知更多就要睇足本訪問啦！
