【Viu】《Hi MIRO!見面祭》今晚嚟到姜濤場，姜Admin以「踢死兔」Look現身，仲送上驚喜《晚安大小姐》畀在座各位「大小姐」，雖然冇之前拍片咁嬌俏，但尷尬樣都好Cute Cute呀！期間姜Admin笑言今晚造型似結婚，點知抽許願池時真係抽中相關問題，有姜糖要求佢示範求婚，尷尬姜嘅「愛的宣言」Man得嚟都好獨特㗎！其後又應要求示範「企喺懸崖邊大叫我愛你」，主持強尼即化身人肉咪架，Respect呀！
玩遊戲時，姜糖要求姜Admin彈額頭，自稱從來唔留力嘅姜濤，都錫住Fans細細力，So Sweet！其後又送上隨身眼鏡畀小Fans，幸運兒開心到眼都唔眨，場面搞笑！
向來寵粉嘅姜濤，特意落台獻唱王力宏嘅《依然愛你》畀大家，當然唔少得「姜家人之歌」—《好得太過份》啦！姜Admin亦有同大家分享心底話，仲再三多謝強尼大哥由《全民造星》開始睇住自己大，好Warm㗎！
