【viu】兩大影帝劉青雲、吳鎮宇事隔19年再次拍住上主演電影《談判專家》，佢哋笑話前事並唔係期待今次合作會擦出啲咩火花，而係期待每晚收工可以一齊去食飯、摸吓酒杯底咁，事實又係咪如佢哋所願？
電影改編自1998年荷里活神作《冇數講》，吳鎮宇話喺開拍前翻睇再了解下內容，點知就鬧出笑料！佢哋又講到港版除咗修改咗故事內容，仲明顯加快咗個節奏，兩位影帝各自最深刻嘅場口又係邊場呢？
劉青雲、吳鎮宇呢次都係飾演談判專家，戲內屢次同疑犯談判成功，救出人質，唔知戲外佢哋把口係咪都係咁勁？劉青雲踢爆吳鎮宇講價有一手，但吳鎮宇謙虛笑話呢方面唔夠老婆勁揪，相反將談判skills用落仔仔Feynman度都幾work！至於劉青雲又會同老婆郭藹明拗咩數？永遠到最後都係被老婆無視咁慘豬？睇足本片搵答案！
