【Viu】Sica何洛瑤、Billy Choi、女團乙女新夢今日為躺平大賽擔任嘉賓，Sica一嚟就不失大癲性格，話唔鍾意太平，只希望凸，是咪暗示身材？而Billy就自誇係真正嘅躺平之星，試過連瞓16個鐘，只起身屙咗篤晏晝尿喎，笑C！二人又希望可一齊上《CHILL CLUB》Jam吓歌。
而Yan Ting周殷廷身為大會「躺平之星」，佢話都想挑機參賽者，仲有信心贏添！講到5月嘅處男演唱會，練到一身肌肉嘅佢就好肯定宣布「唔會出賣肉體除衫」，Fans會唔會有啲失望？
獨立歌手何佩都有入圍比賽，但最後得第七名，無緣角逐冠軍贏$5000現金獎同歐洲來回機票。何佩話有啲失望，唔可以幫補30號出新歌嘅資金。
