【viu】「老闆仔」黃梓樂（Sean）憑《年少日記》提名金像獎「最佳男配角」，面對超強對手吳慷仁、謝君豪、李尚正同姜大衛，Sean坦言零信心，但會視金像獎為演員生涯嘅目標，希望將來可以問鼎影帝！年紀細細嘅Sean，仲親繪心目中嘅金像獎獎座，佢形容為「有血、有汗、有淚水」，解釋得頭頭是道，又集氣想同神級影帝同「另類女神」合作，笑Cry呀！
雖然對獎項打定輸數，但自從公佈提名後，收到唔少鼓勵，包括合作過嘅姜濤哥哥同AK哥哥，「老闆仔」仲約定「大佬孝」再續前緣，相信各位《季前賽》嘅Fans都好期待喎！
