【Viu】張敬軒今日出席代言嘅啤酒品牌活動，跟10位幸運「澱粉」共進午餐。軒公年初再奪「叱吒樂壇我最喜愛的男歌手」，但之後去咗各地巡唱，一直未有機會答謝歌迷，夏天快到嘞，佢話會兌現承諾「找數」着泳褲！問到咩款色？軒公大膽挑戰三角款，會開始積極操腹肌，但唔敢挑戰「天花板級」嘅大表波Stanley，笑言：「我呢個年紀…..」。
對於近日有人以「AI軒仔」呃錢，軒公透露有fans曾受騙招致損失，但笑言：「阿媽連我都唔信」，反而最唔擔心。軒公仲有分享5月份嘅工作大計，想知詳情就要睇訪問片。
足本訪問： 張敬軒操定肌著三角款泳褲「找數」 認年紀大唔敢挑戰「天花板級」大表波 「AI軒」幾可亂真「澱粉」曾受騙
足本訪問： 張敬軒操定肌著三角款泳褲「找數」 認年紀大唔敢挑戰「天花板級」大表波 「AI軒」幾可亂真「澱粉」曾受騙
