【Viu】Jer柳應廷今日舉行新碟簽名會，為400名幸運「柳柳粉」簽名，仲可以合照兼傾偈，難怪阿Jer話要簽足10個鐘啦！Jer自認記性叻，認得好多元祖級「柳柳粉」，仲有移民外國Fans專程返港，有啲仲激動爆喊添呀！梗係啦！阿Jer話晒都係偶像同男神嚟㗎嘛，激動啲係合理嘅！
講到有份為賀歲盃表演，身為阿仙奴球迷嘅Jer就超興奮，仲話想第時喺草地上開騷添！至於新春牌局，阿Jer就話自己同Fatboy係大贏家，仲爆女神阿佘畀佢哋「傳染」咗麻甩怪癖，又自信滿滿咁高呼自己係「舞蹈擔當」，舞技完勝一位舞林高手，想知就睇足本訪問啦！
