【Viu】《新城勁爆頒獎禮2023》今晚喺會展舉行，副隊長AK、Ian同Jer代表MIRROR出席，分別擸走一個團體獎「勁爆我撐組合」及三個個人獎！「勁爆突破歌手」得主AK，指今年出嘅歌同以往嘅曲風唔同，又搞笑話諗定下年再突破，出京劇元素嘅歌，好surprise喎！
講到突破，Ian最近榮升做跳唱歌手推快歌《夜視鏡》，唔知幾時live跳畀Hellosss睇呢？佢仲話寫緊一首快板嘅歌，會唔會又係跳唱歌呢？Ian喺今年第一張樂壇成績表就攞「勁爆男歌手」，打咗枝強心針？喺其他頒獎禮有信心keep住拎男歌手獎？Ian謙稱隨緣，因為做歌唔係衝住獎項！憑《JM單身9》攞「勁爆我撐歌曲」嘅Jer，開到聲話下年出跳唱歌，柳柳粉要留名了！
MIRROR宣布登倫敦曼城開巡唱，三子表示絕對有壓力；團綜《MIRROR Time》現正熱播，最新一集Ian被姜濤啜「咖喱雞」，Ian大叫嚇親，仲指姜係一名「慣犯」，AK同Jer亦分別自稱係「受害人」！Jer被取笑小氣唔拎張100蚊澳紙，佢又點反擊？另外，AK以第18名姿態登「全球百大型男」榜，Ian即報以一個特別笑容「祝賀」，超爆笑！想知AK「贏」碧咸感受？即刻睇足本片啦！
