【Viu】日本歌姬中島美嘉今日抵港，為2月3、4日亞博演唱會《MIKA NAKASHIMA CONCERT 2024 YOU IN HONG KONG》做準備。Mika可能唔習慣香港天氣，著跌膊衫嘅佢一出閘都起勢用手撥涼，勁Cute。
Mika面對記者勁Nice有問有答，話會逗留香港5日，有機會都想出去食嘢同行街，仲話今次會唱英文歌，咁廣東歌呢？佢怕醜話會努力。而今個月19號就40歲生日嘅Mika話未有安排，未知要工作定同結他手老公二人世界。
事前工作人員話Mika唔會接收禮物，但臨上車前有Fans求簽名，Mika都停低簽，巧有愛！
