【Viu】冬至快樂！身為樂壇新人嘅Win Win楊安妮，大時大節都冇得收早㗎！佢今日快閃金鐘、銅鑼灣、尖沙咀同旺角幾間茶飲店宣傳新歌《9SHAKE》，親手派發士多啤梨奶昔畀Fans，仲同大家一齊Shake Shake兼合照，創意十足！
Win Win自認係手搖飲品Fans，試過日飲3杯，但最近因為健康問題而減量，又自爆出院後，獲男友KC悉心照顧，自覺有「少奶奶」Feel呀！嘩！好閃呀！Win Win又透露聖誕會為Alfred許廷鏗戶外演唱會表演，大讚Alfred跳舞有型，保證精彩！
不過，呢排最令Win Win心心眼嘅，非Ian莫屬，事關佢有份為Ian新歌《夜視鏡》排舞，仲因此感動到眼濕濕添呀！想知Win Win點品評Ian嘅「舞功」，睇足本訪問就知啦！
