【Viu】Day@COLLAR今晚現身麥花臣音樂會，近期繼擔任Lolly Talk九展騷嘉賓後，再次單人上台演出，佢話勁緊張，希望遲啲儲多啲舞台經驗！Day又指好羨慕Lolly Talk可以開騷，咁COLLAR幾時開演唱會呀？Day即大賣開子！
Day透露今晚其中一首歌揀咗193嘅《再次puppy love》，幾時輪到佢出solo歌？Day話暫時冇諗咁多！既然鍾意33嘅歌，遲啲合唱？Day笑話心入面有其他男子，對果位男子之外的其他男人冇幻想！不過就有興趣同33去拍靈探節目，唔知Day係咪「高靈」人士呢？另外，COLLAR首《Speak Love》打入「叱咤樂壇我最喜愛的歌曲」十強，Day話勁開心，希望Marf可以攞到新人獎！
同場嘅Dear Jane近日同越南唱作歌手Vũ.合作，由Howie作曲，四子仲有參與埋MV演出添，莫非要打入越南市場？佢哋話至12月尾都有好多商演，啱啱新婚嘅Jackal聖誕佳節唔使交人咩？佢抵死妙答，仲放閃冧指每晚都有老婆煮嘅愛心宵夜！一講起造人話題，育有一對仔女嘅Tim就私人醒咗Jackal一句金句，係有料到嘅！即刻去足本片啦！
