【Viu】人氣女團COLLAR、N9、麗英同Dear Jane噚晚為西九戶外騷演出，COLLAR以清涼造型跳唱《idc》，炒熱全場氣氛，仲好Caring咁問大家食咗飯未，小編細細聲答：「未呀！」
成軍冇耐嘅N9就帶來《牙痛文學》，台風同唱功都好穩㗎，絕對係可造之材呀！麗英則送上《東京一轉》，仲祝福大家可以去多幾轉東京，承你貴言呀！
壓軸演出嘅Dear Jane唱盡金曲，獻唱《最後一間唱片舖》時，全場大合唱，四子High爆滿場飛，Tim仲讚Fans嘅燈牌好靚，四子都話知道Fans等咗好多個鐘，但希望大家將剩低所有嘅力畀晒出嚟！
