【Viu】麗英@小薯茄超額完成在旺角麥花臣舉行的處女演唱會，事後受訪仍難掩興奮！啱啱（4日）先過26歲生日嘅佢，笑話為咗搞個騷都未有慶祝，正日當日只係同歌詞靜靜咁渡過！
麗英坦言騷前係好大壓力，但keep住搏盡無悔心態，自評有8分高分，又指最感動嗰part就一定係多謝媽咪嗰段，並爆係因為見到媽咪喺台下攞紙巾喊先破功跟住淚崩，講講吓更突然眼濕濕，同時佢仲爆埋其中一位小薯茄喊到面容扭曲添！
而最令佢「拋鑊」自己嗰首歌就係《銀河修理員》，事關呢首歌嘅背後意義重大，今次唱可謂覆灼成功呀！另外，麗英亦被冠「追星天花板」之名，因為佢成功埋到日本hot爆組合YOASOBI身做訪問兼送禮，麗英有咩感受？完騷後嘅目標係咩？下年再開騷？即刻去足本訪問片！
