【Viu】「發哥」周潤發今晚化身「白馬王子」，同太太陳薈蓮以情侶裝sweet爆現身，佢接受訪問又狂曬幽默感，笑話有幸有設計師幫佢哋「執」到靚，認真識搞笑！發哥指依家正為明年初渣馬嘅半馬做準備，又笑話發嫂唔會join練跑，因為要留喺屋企服侍佢！
古天樂謂之後有機會都想繼續為電影《白日之下》謝票，有意之後再開拍有關社會議題嘅電影。提起香港電影人喺金馬獎獲佳績，如卓亦謙獲「最佳新導演」、謝咏欣奪「最佳新演員」等，古天樂話係對香港電影好大鼓舞，希望佢哋日後為香港電影帶嚟更多作品！
Aaron郭富城着得靚一靚登場，被指係「寵女狂魔」嘅佢話係專登着畀兩個囡囡睇，又爆囡囡有學行catwalk！日前一家四口齊齊入馬場，Aaron笑話本來係想帶對囡去餵愛駒「舞林密碼」，最佳親子活動！即刻睇訪問片啦！
