【Viu】MC張天賦回歸初心，今晚喺文化中心露天廣場C區舉行《This is MC - Live at Victoria Harbour》音樂會，吸引近萬人到場欣賞，核心內外圍都企爆晒，警方一度要增援開返條路，勁！
一開始，MC已經戴定頭盔，話自己把聲麻麻地，有機會唱到破音、走音，但實情佢狀態超Fit，只係唱《時候不早》唔記得歌詞，但無損歌迷熱情，大嗌：「好靚仔」、「好好聽」、「最佳男歌手」，佢仲唱咗被佢形容為自己最搵錢嘅一首歌《世一》。最後竟然Busking都有encore 位，免費唱足45分鐘，滿足晒一班超熱情賦二代。而大會更準備咗大蛋糕，為12月1日27歲生日嘅MC慶祝，近萬人大合唱生日歌，想睇現場有幾high 爆，記得睇片！
