【Viu】MC張天賦今晚喺文化中心露天廣場舉行《This is MC - Live at Victoria Harbour》免費音樂會，佢話預期會有兩三「浸」人潮，估唔到會有近萬人逼爆海旁，難怪忍唔住High爆話：「超出預期！」
MC透露朝早起身已經唔舒服，頭暈暈、身㷫、喉嚨仲有少少腫，但見到有啲以前未紅時fans 嚟支持，真係好開心，唔排除再有機會搵不同場地嚟多場免費音樂會，仲有計仔解決唔記得歌詞問題⋯..但就要公司使多少少錢喎。
講到今年叱咤7強止步，MC話知道自己輸咗畀光B(尹光)，值唔值得？係咪心服口服？睇片就知答案。而MC獲甄子丹欽點參演新片《誤判》，自爆為一個動作拉傷咗條筋，仲因為呢部片有個小小嘅生日願望，講嘅時候MC都忍唔住笑，內容咁豐富，記得loop爆條足本訪問！
