【Viu】古天樂孖Jennifer余香凝出席鐘錶活動，現場被「古太」重重包圍，古仔一完活動即行埋去影大合照，勁有愛！電影《白日之下》票房直迫1000萬，更成單日票房冠軍撼贏《Marvel隊長2》，作為投資者嘅古生同主演嘅Jennifer感興奮，之後會繼續謝票，希望票房節節上升！古生慨嘆社會問題仍未解決，任香港演藝人協會會長嘅佢，一直以嚟關心甘草演員，佢直指有長者藝人患病，冇家人照顧但冇入住老人院舍。
金馬獎下星期六（25日）舉行，角逐影后嘅Jennifer話試緊戰衣，仲有意外surprise添！另外網民力推尹光攞「我最喜愛男歌手」，依家成功殺入叱咤12強，唔知貴為2018年得主嘅古生，睇唔睇好光B攞獎？佢仲即場贈咗4個大字！想知就睇足本訪問片啦！
