【viu】由193郭嘉駿、Sofiee吳海昕、阿卵楊偉倫、Rosa韋羅莎、白只、朱栢謙、胡麗英主演嘅舞台劇《Laugh Vacation》今日首演，眾人現身拜靚儀式，祈求演出順利。
處男演舞台劇，33搞笑自稱舞台皇者好淡定，而Sofiee就話好緊張，綵排成日焗蟹，今朝仲肚痛咗3次。33話最緊張嗰part係自彈自唱，仲揼本買咗支萬幾蚊嘅結他，佢仲誤爆Sofiee間屋好大放得落大鋼琴添！咦，唔通去過？
阿卵、白只大讚33叻仔，仲話今晚佢先係主場，因為買飛嘅都係33老婆，仲要多謝一連串應援。佢哋又話Sofiee係美麗地雷，想知點解？睇足本訪問片啦！
