【Viu】ERROR首次主演電影《陰目偵信》上映，原本係404值得慶賀嘅事情，但係193其後喺TG Group話因為冇去謝票而收到滋擾訊息，憤而話之後唔會再去謝票，其中一句：「謝票並唔係義務！」引來網友熱議。雖然其後193有現身Fans包場活動，但始終未有公開回應「謝票風波」！
日前193宣傳新歌時，親解「謝票風波」，亦因檔期問題向買咗謝票場嘅「老婆」道歉，仲預告之後隨時突擊謝票！193直言有新聞起碼能夠令更多人知道《陰》片已上映，希望刺激到票房，最緊要唔好辜負台前幕後嘅努力，所以唔介意做Haters嘅「箭靶」！
