【Viu】除咗黎明，今日三大天王出晒嚟，劉德華新戲開鏡，張學友演唱會記招，郭富城呢，就出席好兄弟Sunny Wong舞蹈學校開幕禮！佢送上寫住「太陽黃 不停步」嘅墨寶做禮物，人到禮到真係夠雷呀！城城話同Sunny識於訓練班年代，加上自己大對方兩年，所以一直視Sunny做細佬，仲大叫要送兩個囡囡去上Sunny親自教班嘅Private Class，撐到盡架！
講到今日三大天王分別出活動見人，城城即興奮大叫：「好事呀！正呀！」佢又預告自己除咗開騷，仲會重返一個場地，想知係咩？睇足本訪問咪知囉！
足本訪問： 城城送「太陽黃」墨寶賀Sunny開學校 聞三大天王同日現身：「好事呀！正呀！」 預告重返澳門格蘭披治大賽車
足本訪問： 城城送「太陽黃」墨寶賀Sunny開學校 聞三大天王同日現身：「好事呀！正呀！」 預告重返澳門格蘭披治大賽車
