【Viu】歌神Sam許冠傑嘅「許冠傑此時此處演唱會 2023」噚晚圓滿完成，尾場佢請嚟舞台皇者郭富城做特别嘉賓。城城同Sam合唱完《尖沙咀Suzie》後就主動攬攬，仲自爆自己係向公司自薦做Sam嘅演唱會嘉賓。城城大讚Sam好Fit又勤力，「我在網上看到Sam的表現，自彈自唱之餘，又要打鼓，好賣力，是很值得我們尊敬的，因為他就是歌神。」城城又表示心情興奮緊張，「我在舞台上也算是身經百戰，但在這個舞台上見到Sam時，我真的是腳仔軟，剛才我在後台聽到 Sam在此唱歌、又看到Michael (許冠文) 表演，也聽到很多由我自少便陪我成長的歌曲，我自己希望繼續去努力，應該這樣說，我會繼續努力！」
Sam同城城唱完《沉默是金》後，特別送上一幅繡上「舞台皇者 郭富城」嘅巨型錦旗俾城城，城城表示受之有愧，佢話見到Sam嗰種動力，又識得作曲、填詞，自己就只係寫過一首歌，希望將來會再嘗試作曲。而城城亦禮尚往來，送上寫咗「歌神」兩個字嘅墨寶俾Sam，呢份心意令Sam連聲讚好。
