【Viu】Kelly陳慧琳、Louise 王丹妮今日為法國時裝品牌擔任剪綵嘉賓。Kelly話屋企衣櫃已塞爆，啲衫只着一次就要收埋，又爆兩個仔對Fashion冇興趣，襪穿窿都照着。
Kelly日前喺澳門開騷驚喜請咗舊拍擋馮德倫做嘉賓，仲讚對方執白鬚好型添！但最想梗係搵埋喺英國嘅雷頌德齊腳唱《紀念日》，又笑話對方有兩隻馬行唔開。講到母校玫瑰崗被合拼，Kelly話滿有回憶，希望可以返去拍新歌MV。
而Louise最近為拍新劇努力留長髮，又喪試唔同牌子嘅生髮洗頭水，就嚟升呢做專家。佢又話下星期會抽3日飛澳洲陪老公羅孝勇，又沾沾讀脊醫嘅老公考試名列前茅添！想知更多？入嚟睇足本訪問片啦！
