【Viu】George歐鎮灝同Luxi甄吳露茜今日齊齊出席活動，George感謝觀眾鍾意《那年盛夏我們綻放如花》，出街都有人叫佢「腎仔」㗎，仲話最想原班人馬合作做一件事喎！
講到隊友Phoebus同Alice嘅緋聞，George就話Phoebus心情ok，亦有慰問Alice，唔擔心下個到自己傳緋聞，仲笑言擔心Marco「隻豬」多啲，又爆出驚世金句，笑Cry呀！
至於Luxi就話經常同Lokman去行山，但未試過露營，仲話好「葡萄」男友去澳洲拍團綜，又指最想同Lokman去歐遊。咦？咁會唔會趁機去影埋Pre-wedding呢？想知就睇足本訪問喇！
