【Viu】Will柯煒林同談善言喺Studio VO首部出品嘅愛情電視喜劇《Food Buddies》中，道盡現代愛情故事，兩位仲有冤家變「炮友」，現實中Friend爆嘅兩人，笑認拍親熱戲時只想想啲「完事」。除咗床戲，Will仲要畀阿談真摑，力度十足，搞到佢「苦主」上身，四圍搵人呻，笑Cry呀！
首次擔正劇集，又同時拍緊《冰上火花》，搞到Will心力交瘁，一度自覺唔識演戲，多得阿談同《冰上》一班好兄弟開解，加上阿談向來能夠激發佢嘅好勝心，令自己越戰越強，二人仲自爆連玩滑水都要鬥餐飽！
佢哋仲分享那些年拍《點五步》，同胡子彤成為「遺孤三子」嘅經過，以及喺尖沙咀街頭吵大鑊嘅爆笑經歷。不過，「原來朋友仔感情再天真，亦是我永遠也會愛惜的人」Will同阿談都會互相欣賞嘅！
