【Viu】張敬軒今晚現身新城台慶騷，甫出場即獲全場尖叫，軒公以快歌《Sweet Escape 》炒熱氣氛後，再送上第一首派台歌《My Way》，紀念自己同電台超過20年嘅友誼，仲笑認係情比金堅！
向來搞笑嘅軒公，聽到有男Fans尖叫後，即笑指農曆七月特別多怪事，皆因平時多數聽到女Fans尖叫，又搞鹹Gag話：「啲人話男人喺星期六特別勁，我都唔信，今晚信喇！」轉數咁快，邊夠你嚟呀！
其後軒公同家謙、Jay Fung、Phil合唱《從不知》、《靜夜的單簧管》、《有心人》同《戀愛預告》，四大才子冇得輸啦！最後一眾歌手喺台上切蛋糕，軒公仲即席跟家燕姐學跳十字步同開花舞，仲話要教「遮遮」抹窗，想笑死小編咩！
