張致恒認借大耳窿疊碼仔　控訴網絡欺凌

張致恒（Steven）被一名KOL大爆曾四出借錢，他今（17日）凌晨發千字文回應，承認「由朋友到大耳窿甚至乎澳門嘅疊碼仔我都借過錢」，但同時反擊「網絡欺凌」，「我懇請你哋要笑嘅就笑我好啦，禍不及妻兒」。

KOL Sean Lam近日公開Steven多次四出借錢的訊息截圖及錄音，更指其借錢理由多多，包括「為工人籌醫藥費」、「小朋友無飯食」，甚至稱急需借一萬元，否則太太「雯雯」就要肉償。

Photo / @seanlam_888 IG

Steven在IG撰文回應，先指「網絡欺凌呢件事真係好嚴重」，稱自己被不相識的網紅欺凌，「其實佢係想點呢？係想睇到我哋一家自殺定係點樣呢？」

他繼而回應借錢指控，自揭「由朋友到大耳窿甚至乎澳門嘅疊碼仔我都借過錢」，又就過去4年的迷失認錯，指借錢是因為別無他法。另外，他否認借錢後要老婆肉償，又指父親一直很擔心他，「佢係曾經有將佢嘅生果金畀我做生活費，但係唔係個個月畀我，只係畀咗一兩次！」

Photo / @stevencheung IG

Steven又稱，自己已經很努力找機會賺錢，但目前仍然入不敷支，因此一直未能向朋友還錢，「想同你哋講聲對唔住，我會盡我嘅能力用最快嘅速度還番晒畀你哋」。

最後，他又再提及網絡欺凌，「只能夠講你哋要X你哋要笑就隨便」，但希望禍不及妻兒，揚言一涉及家人他就會反擊，「因為我真係好愛我嗰（個）家！」