【Viu】由「旦哥」鄭丹瑞、鄧月平同陳葦璇主持嘅香港電台寵物節目，今日邀得陳啟泰、Chloe蘇皓兒、Renee李蔓瑩同Aka趙慧珊做嘉賓，眾人仲帶埋寵物一齊現身，好熱鬧呀！
講到葦璇同Chloe合體就令人諗起前女團As One，佢哋多謝網友9年嚟支持，仲話《Candy Ball》嘅MV至今都有人睇，早排仲突破200萬點擊，兩位依家都仲識跳㗎！講到Chloe早排上《ERROR暑期自作業》做嘉賓鬥體能，佢直言冇諗過宇宙天團全軍覆沒，又爆其中一位成員體能最差！而「師姐」葦璇就有留意《全民造星V》，讚冠軍Lyman好Charm；Chloe仲搶住向另一位三甲示愛，係咪好想知呢？
此外，Renee親解點解上ERROR節目要密實上陣，又分享最冧邊位ERROR成員，仲激起平平嘅戰意，向宇宙天團下戰書挑機！想睇吓一班靚女點睇ERROR，記得睇足本訪問喇！
