【Viu】醉心打拳嘅鍾培生再搞拳賽，請嚟霍哥同周永恆上台打《培生擂台無敵盃2023》，今日記者會鍾培生話二人嘅酬金係比拳王級更高。
喺問答環節，霍哥表示今次打75kg比賽，所以要減成30磅咁多，仲同周永恆挑機話：「我希望你唔好似嗰個Steven（張致恆）咁，認真啲，唔好頭兩Round俾我搞掂！」擺完張致恆上枱又窒周永恆平時唔打男人專打女人。周永恆就興奮話經常需要情緒發洩，今次可以合法地打交，仲話一Round就會K.O. 霍哥，「係呀我專打女人㗎，擂台係流血，唔係吹水！」
問鍾培生有冇考慮搵已離開微辣嘅加蔥嚟打返場比賽？佢話Focus咗呢場先！而霍哥就話唔介意同加蔥打。想知更多就睇足本訪問片啦！
