【Viu】《香港麥當勞管理發展專業文憑（資歷架構第5級） 頒授典禮》7月31號喺西九舉行，除咗香港麥當勞行政總裁黎韋詩同資歷架構秘書長總經理黎英偉致詞，勉勵222名餐廳總經理畢業生外，影帝古天樂仲驚喜現身，令現場尖叫聲四起，不少畢業生仲趁機集郵添呀！
古仔喺台上鼓勵大家保持信心同恆心去追夢，仲分享拍戲時最愛嘅宵夜正正係麥當勞，真係I’m loving it呀！
古仔受訪時透露，以前做過麥當勞，所以喺台上遇上熱情嘅餐廳經理，份外親切！佢又大讚麥當勞以人為本，鼓勵員工自我增值，自己同員工亦一直有進修，追上電影製作嘅潮流，Respect呀！古仔大方分享成功秘訣，寄語一眾畢業嘅餐廳經理要保持良好EQ高，最重要係唔怕失敗，大家袋穩古仔嘅Tips喇！
其後，古仔同一眾嘉賓移師到海濱草坪，同222名餐廳總經理大合照，一眾畢業生喺艷陽下抛帽歡呼，場面熱鬧！
