【Viu】台灣人氣Rapper瘦子E.SO噚晚喺九展舉行香港處男演唱會頭場，雖然最近捲入台灣#METOO事件，被指喺17年前曾經性侵一名18歲女職員，但佢呢晚依然心情大靚，喺台上不斷同觀眾互動，當聽到有fans嗌除衫，瘦子仲即刻講笑話因為大家嘅飛太平所以唔除得衫，真係笑Cry！而呢晚就有MC Jin歐陽靖擔任嘉賓，瘦子都話好感激對方抽空嚟撐場。
至於講到性侵事件最新情況，瘦子就話繼續交由律師按法律程序處理，自己反而唔諗太多，繼續專心工作，咁先係「專業嘅表現」。另外佢更表示冇被呢件事影響心情，亦稱太太對自己百分百支持。
