【Viu】「索膠」Hillary劉沛蘅同Ken洪卓立自上年認戀後，今日第一次公開以情侶檔出活動，一對「新人」成程笑唔停口，簡直係冧到痺！Hillary忍唔住以「阿B」稱呼Ken成活動高潮，就連Ken都招架不住！適逢6月頭係Hillary嘅生日，大會送上蛋糕預祝，喺切蛋糕嗰陣十足擺酒咁款，Ken鬼馬叫大家「飲多杯」，當正綵排結婚咁！事後佢哋甜到漏話有共識婚期，仲加多句係喺不久嘅將來添！問到Hillary有冇暗示畀男友聽想點求婚？佢話冇，怕到時對方照住做會冇surprise！之後又大讚Ken超體貼，最開心係收過對方送嘅情侶手鈪，Ken咁sweet怕唔怕做壞榜樣㗎？
