【Viu】卓韻芝同梁祖堯今日出席ViuTV節目《初戀 Action！》記者會，大方分享拍攝趣事，但就避談邊位男嘉賓係「衣冠禽獸」，叫大家估吓喎！阿芝同阿祖就強烈推介「神經病患」ANSONBEAN，阿芝仲畀豆豆嘅真摯舉動笑到有腹肌，甚至笑到走出鏡頭；阿祖就封林耀聲做「初戀人瑞」，溝女手到拿來。咁邊位最大反差呢？阿芝就話係Angus楊天宇喇，又爆Phoebus吳啟洋表裡如一，仲因為拍攝時令女嘉賓不快，而自己匿埋唔開心，好Cute呀！
講到阿芝早排宣布同《飯戲攻心》美指梁子賢離婚，佢話二人仲Friend過以前，所以自己仍然相信愛情，阿祖仲笑言有意追阿芝添呀！
