【Viu1】演藝學院出身嘅阿寧周漢寧，第一次進軍大銀幕就遇到張姐張艾嘉呢位重量級大前輩，一齊合作電影《燈火闌珊》。講到張姐對阿寧嘅初印象竟然係唔靚仔，兼唔似彈鋼琴嘅人，反而仲真係有啲似折光管嘅師傳，搞到阿寧都大受打擊！張姐仲取笑阿寧體力差，爆料戲中一場奔跑嘅戲份，呢位後生仔仲跑輸俾自己，阿寧真係要檢討下喇！
不過張姐都有兜返，讚阿寧係一個好特別嘅男仔，對演戲好有心好用功亦好有天份，仲話阿寧嘅表現絕對值得金像獎最佳新人獎嘅提名！張姐仲話自己對新人其實都幾嚴格，最怕人遲到，好在喺香港台灣遇到嘅新人都好乖，反而喺內地真係遇過一啲鍾意遲到扮大牌嘅新演員，真係唔要得啊！
