【Viu】電影《斷網》噚晚舉行首映禮，一眾演員城城郭富城、林家棟、黃德斌及譚耀文等人，均現身出席，吸引唔少市民圍觀逼爆商場。城城跟家棟自從電影《寒戰》後，今次再度合作，家棟大讚非常有默契，又回憶當年喺訓練班曾合作，直至而家回想，都覺得大家變得成熟。
講到首映禮係疫情後首次唔使戴口罩示人，城城透露拍呢套戲時係疫情最嚴峻，仲跟家棟喺床下底有場激烈打鬥戲，不過最激有場戲講述佢被殺手追殺，要喺天橋跳落去撞到手推車頂，再跌落地上，然後演繹反應再離開。講到拍危險戲份有無跟太太方媛申報？城城話唔敢講，因為只會令佢哋擔心，但呢個係佢職業。
講到名媛蔡天鳳遇害後，身為好友嘅太太在微博以黑白玫瑰照回應難過心情。城城話：「呢件事係好震驚同悲痛嘅事，我同太太都係對方嘅朋友，相信呢刻太太需要啲時間，我亦唔想再講太多。」
