【Viu】已移民美國嘅黃夏蕙近日返咗香港喇！愛心爆棚嘅夏蕙BB專程返嚟參與慈善工作，為罕見疾病兒童籌款。兒孫滿堂嘅夏蕙BB話當知道世界上原來有咁多小朋友冇將來，二話不說返嚟支持，佢仲話暫時安排好5月開騷，順道同大班契仔契女慶祝母親節。契女BoBo話會陪夏蕙BB去黃大仙補上頭炷香，而Amy艾美琦就話知道契媽貪靚，已買大堆禮物包括化妝品同兔仔衫俾夏蕙BB去美國用。夏蕙BB亦講到喺美國忙住應酬，「有好多party開，連花車都坐埋。」咁有冇飲醉先？夏蕙BB就誇口話「從來冇醉過，佢哋都唔係我對手！」巧霸氣呀！
