【Viu】今日渣馬勁熱鬧，連朝朝跑山嘅發哥周潤發都嚟跑10k，成績係1小時3分58秒，發哥話鍾意咗跑步，所以嚟試吓！但佢話10k係盡頭，唔會挑戰高難度，最後發哥都輕鬆完成比賽，跑到終點嗰陣，仲有大批跑手爭相集郵。而保錡@ERROR就最威，見到發哥即刻上前扼手，簡直係今日佢至勁！但保錡都叻豬，大約55分12秒就完成10k，佢話好想挑戰自己，自己平時都有健身，所以唔算吃力。
湯令山、張蔓姿、Brian陳安立、釗峰、陳健安、余德丞、林奕匡亦都參加10K賽事。而Candy盧巧音同Inez梁諾姸兩位女漢子就挑戰全馬，Inez產後第一次參加長途賽，但接近4個鐘就完成，而且氣都唔喘吓，要俾個叻佢！外傭姐姐仲專登帶埋囡囡Amber到終點附近幫媽咪打氣。至於Candy上月先接受完鼻竇炎小手術，雖然少咗時間練跑，不過都順利完成賽事，而且仲話自己條氣順咗好多添！
