【Viu】香港人漂泊內地搵食，沈震軒係其中一個，仲要一走就兩年，搞到同拍拖5年嘅女朋友Shirley陳欣妍長期Long D，平時只係靠video call維繫感情，聽到都覺得陰公啊！ Sammy仲話女朋友曾經放狠話嚇佢，話自己身邊好多靚仔，好似MIRROR12子咁，搞到Sammy拳頭都硬埋啊！不過佢哋嘅感情依然打風都打唔甩，Sammy仲講明距離求婚只係差一步，但因為女朋友鍾意有儀式感，所以要好好計劃一下！咁sweet得唔得㗎？
工作方面，回流返港嘅Sammy加盟新公司英皇，可以繼續做自己鍾意嘅嘢，佢都覺得好幸運，佢仲預告嚟緊有好多作品等住面世。雖然Sammy暫時冇打算再闖樂壇念頭，但就想睇下有冇機會寫歌俾張敬軒，希望可以成就解鎖！另外，Sammy仲籌備緊健身室生意，希望由依家開始瘋狂操肌，一年後上台參加健美比賽啊！
