【Viu】姜糖嘅威力從來唔係講笑，噚日上完昂坪360，為姜濤應援後，過百姜糖夜晚轉戰「姜濤灣」戲院撐「方晴」，事關日前係《阿媽有咗第二個》上映3個月紀念，即係「方晴」出道3個月嘅大日子，加上《阿媽》喺片尾加入全新彩蛋，梗係要一睇再睇啦！今次係姜糖aka晴天娃娃自發搞嘅應援活動，佢哋包咗戲院5個放映室，仲安排咗巨型氣球應援，祝賀《阿媽》收逾4000萬票房，個茶記waiter look真係不得了！期間彭導到場感謝姜糖支持，雖然佢強調唔會好似彩蛋咁講拍賀歲片，但想再同姜濤合作。完場後，姜糖們都有齊集嗌口號，好熱鬧呀！
此外，毛姐大讚姜濤阿Jer有喜劇細胞，兩位偶像都想挑戰拍喜劇，嘩，再加埋毛姐，整套《家有囍事2023》都唔錯喎！
